احلى ذكريات
هلا ومرحبا
نورتو
وراح تنورو اكثر اذا سجلتوا


منتدى ترفية يوتيوب منوعات
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر
 

 ابو الفزعات راعي النكبات

اذهب الى الأسفل 
كاتب الموضوعرسالة
عسوله



عدد المساهمات : 13
نقاط : 38
السٌّمعَة : 1
تاريخ التسجيل : 10/11/2010

ابو الفزعات راعي النكبات  Empty
مُساهمةموضوع: ابو الفزعات راعي النكبات    ابو الفزعات راعي النكبات  Emptyالأحد نوفمبر 21, 2010 11:34 am

سلام اليوم جبت لكم موضوع تحفه ابو الفزعات راعي النكبات  386101

ابو الفزعاااات راعي النكبات

يوم من الايام قاعد ادور بسيارتي الكابرس 79
وادور احد من العيال امره ابي ادور لي سلف 10 اعبي بنزين
خشيت شارع كان مقطوع يصلحون فيه يقالي ابختصر

سمعت صوت غريب
ناظرت بالمراية الا واشوف وراي منظر ولاالافلام الامريكية

سيارة لومينا بيضاء داعسه ووراها 3 دوريات
ووراها 3 سيارات حكوووووومة داعسة وانواع المطاردات


انا قلت ياولد مايبيلها
لازم يظهر الجانب الوطني
وادعس للكابرس وراهم
راعي اللومينا كان سواق وشكله فنان ومتعود على هالحركات

اما حقين الدوريات فمساكين تلقاهم داعسين واذا جت لفة انواع الفرامل حتى ان واحد منهم قشع صندوق زبالة دخله بقالة على الطريق

انا بدا الحس الوطني عندي يشتغل
وجاني احساس الافلام الامريكية
وادعس



دعست وراهم



راعي اللومينا شافني وصار وجهه كذا
وادعس وراه



شوي الا والف عليه خششته في محل خياطة نسائي



طبعا انا نزلت بسرعة واطب عليه وافتح الباب واكتفه واصارخ للشرطة تعالوا
تعالوا

تعالـ ....



واناظر الا الشخص الي انا ماسكه داخل اللومينا لابس بدلة عسكرية
وشوي الا وستة من الافراد الي في سيارات الشرطة واقفين جنبنا والضابط الي معهم يقول لي :
خير ؟؟
وش فيك ؟؟



قلت له : وشو الي خير ؟؟
انا فازع لكم وصايد هالحرامي .......


قال الضابط : ومن قال لك افزع والا الحقنا ؟؟


قلت له : الحين انتوا مو تطاردون هالحرامي ؟؟


قال : اي حرامي ؟؟
هذا تدريب لمكافحة المخدرات على المطاردة والشغل كله كان تكتيكي ووهمي ..


خش عسكري ثاني وقال : ياطويل العمر شكله سكران .. ناخذه ونحلل له ؟؟


ويتلوني للقسم وانواع التحويل والتحليلات ..


اخر شي قالوا تراك بتتحمل اصلاح السيارة الي صدمتها


وبعد حب خشوم تركوني اطلع وقالوا لي : لاتتعودها






من يومها حرمت ...



بلا وطنية بلا اناشيد





مرت 3 شهور على هالسالفة ...




وفي يوم طالع انا ومجموعة من الشباب الاستراحة ...



كنا مستانسين نسبح ..


شوي اطلع على سور الاستراحة مسوي ابطب للمسبح محيفرة <<<< قدييييييييييم

الا واشوف شي غريب ...

الاستراحة الي جنبنا فيها شي غريب ..


ورعين اعمارهم على 12 يسبحون واشوف واحد منهم يغرق ...

والثاني شافني ويقول الحق اخوي بيموت تكفى بسرعة ..



انا ساعتها تذكرت الي انقذوا عوايل في السيول الي صارت ببعض المناطق
وكيف ان الملك كافئهم ..


قلت انا بس ..

جاك الرزق ياولد



واطب يم استراحتهم
ومباشرة على المسبح وانا اتخيل الملك يقول ياولد مش واضح شكلي ابقشع مدير الدفاع المدني وابعينك مكانه



وصلت المسبح الا شي غريب ...



الولد الي كان يغرق طلع بسهولة وقاعد يضحك ..

اما اخوه الثاني فقعد يصارخ : ابووووووووووووووووووي تعال شف حرامي

وبدت الحريم تصارخ ...


شوي الا 4 كبار جوني وخذ ياطق ...

والشايب يقول : تتعدى على محارمنا في الاستراحة ...



وشوي الا وحنا في قسم الشرطة وانا كاشخ بسروال السباحة ...




انجلدت لين شفت الله حق



وتعهد وضربوني الباب








حرمت انا اسوي اي شي ..........









بعد هالموضوع بسنة رحت للسوق الصبح ماسكه معي ابي اشتري فنيلة علاقي وقلت يمكن يمدينا نقز لنا كم صاروخ على هالصبحية تعرفون المطاوعة نايمين وقتها


شوي الا واقز هالصاروخ الي تمشي بخكرنة


قمت اقز فيها من بعيد كمعجب بس



والبنت تضايقت ووضح عليها ..



شوي الا ........


4 شباب خوال يجونك طايرين وواحد منهم يسحب شنطتها بقوة لدرجة ان البنت بنطت ماردها الا برميل زبالة

عاد انا قلت بس ..


وقتك ياروبن هود


وافصخ زبيريتي واعطيها هندي قلت له تراها عهدتك لين ارجع




وادعس وراهم




يخشون شارع وراهم




يخشون حارة وراهم





اخر شي قفلت معهم ووقفوا


التفتوا لي وقال واحد منهم : وش تبي تلاحقنا ياسوبرمان ؟؟ مسوي منقذ ..



وجلدوني جلد ....


جلد اكلوني معه نص تراب الشارع



خذوا جوالي وفتشوا بوكي لقوا 7 ريال خذوها ورموا علي البوك وماخلوا فيه الا صورة سميرة توفيق راز بها <<<<<<< العن ابو ذوقك ياشيخ



رجعت للسوق وحالتي حالة



لقيت الشرطة والعالم متجمعين على البنت ياخذون اقوالها


وماامداها تشوفني الا وصاحت ..


هذا معهم

هذا كان يراقبني قبل يسرقون الشنطة
وشفته ينحاش معهم



توني ابقول : ياجماعة انا مالـ ...

الا بوكس شايل اربعة ضروس من خشتي ..
وبركبة ركبوني الجيب وعلى قسم الشرطة .....



انجلدت كالعادة وبعد 3 ايام في التوقيف طلعت






اخر الاحداث ..

قبل ثلاثة ايام مار انا وواحد من العيال من شارع رئيسي ...

كان الوقت الساعة 2 الليل برمضان طبعا

الشارع كان مظلم
وفيه اثنين تصادموا


كان واحد منهم ينافخ على الي صدمة والعالم تبي تفكهم


شوي الا واحد يقول لي : شف شكل السيارة بتشب


طبعا يقصد السيارة المصدومة


قلت له : وش الحل ؟


قال : يبيله واحد يفك البطارية




كانت السيارة تدخن




واجيك انا سوبر مان
واركب سيارة الرجال ...



وابي افتح الكبوت الا الظاهر انه كان عالق شوي




وبدون ماادري جت يدي بالغلط على القير حق السيارة وانا نازل



شوي الا السيارة تدحدر وتقشع 4 سيارات واقفات



المشكلة هالشي صار على وصول المرور




كلبشوني
وع الحجز




يبوني ادفع تكاليف اصلاح السيارات
وانا كل ذنبي اني كنت مسوي ابساعد
وافزع
ومسوي وطني






بذمتكم الواحد مو يغسل يده من انه يسوي خير ؟؟

والا انا الي مقرود ؟؟


والا وشالقصة










ملطوش لحسن الحظ ابو الفزعات راعي النكبات  762657 ابو الفزعات راعي النكبات  762657 ردودك يا حلوين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بلاك
Admin
Admin
بلاك

عدد المساهمات : 81
نقاط : 116
السٌّمعَة : 0
تاريخ التسجيل : 08/11/2010
الموقع : في بلاد الله الواسعة

ابو الفزعات راعي النكبات  Empty
مُساهمةموضوع: رد: ابو الفزعات راعي النكبات    ابو الفزعات راعي النكبات  Emptyالثلاثاء نوفمبر 23, 2010 7:15 pm

هههههههههههههههههههههههههههههههههههههههههههههههههههه ياخي يقطع ابو حس الوطنية اللي فيك
اذا على كل شي بتسوي فيها سوبر مان بتنجلد ههههههههههه المهم يسلمو ياعسولة ع الموضوع العسل

ويلوموني فيك <<<<<تستاهلين تكونين احلى مشرفة على احلى قسم بتمسكينة



تحياتي
بلاك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://waad-alrea8.forumarabia.com
•••».. SULTAN ..«•••

•••».. SULTAN ..«•••

عدد المساهمات : 42
نقاط : 60
السٌّمعَة : 2
تاريخ التسجيل : 22/12/2010

ابو الفزعات راعي النكبات  Empty
مُساهمةموضوع: رد: ابو الفزعات راعي النكبات    ابو الفزعات راعي النكبات  Emptyالخميس ديسمبر 23, 2010 10:32 am

ياحليل سوبر مان
رح موت بس
العن ابو اللي يفزع مره
ثانيه والا الزلابه اللي طاب
على جيرانهم خخخخخ
مرسي عسوله على
الموضوع الراقي
صراحه تستاهلين الإشراف
من قلب اقولها مو
مجامله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
^_*

^_*

عدد المساهمات : 76
نقاط : 130
السٌّمعَة : 0
تاريخ التسجيل : 08/01/2011
الموقع : عاأآلم الـحـب

ابو الفزعات راعي النكبات  Empty
مُساهمةموضوع: رد: ابو الفزعات راعي النكبات    ابو الفزعات راعي النكبات  Emptyالإثنين يناير 10, 2011 5:56 am

هههههههههههههههههاي ابتعد سوف اتشقلب خخخ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ابو الفزعات راعي النكبات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احلى ذكريات :: •.¸¸.• القسم الترفيهي •.¸¸.• :: مرٍـآجيج ارفع راسسكـِ-
انتقل الى: